Edisi berkurung dirumah (7)
Oleh Tan Ambo
Sajak virus corona datang
Saluruh duya kanai sarang
Beribu nyawo malayang
Dokter banyak lo bapulang
Kini kalua undang-undang
Jan corona sampai bakambang
Pamarentah kini malarang
Bakumpua labiah duo urang
Indak buliah pai batandang
Bakuruang dirumah surang2
Dicaliak dijalan gadang
Indak ado balalu lalang
Oto indak lai manambang
Dek indak ado panumpang
Pasa nan rami kini langang
Dipasa taraso lapang
Nan balanjo sangaiK jarang
Panggaleh kini tauncang
Dek sikola libur panjang
Taragak ka Ranah Minang
Parantau indak bisa pulang
Jalan kakampuang lah “bapalang”
Iduik raso dalam kandang
Bakuruang dirumah surang2
Panek manungkuik manilantang
Sakali-kali mangangkang
Kok kabatamu jo urang
Masker harus dipasang
Ditutuik sagalo nan balubang
Lubang iduang sarato arang
Cuma ciek lubang balakang
Tapeknyo dakek karampang
Inyo lah tatutuik surang
Duo lampih nan mahalang
Sarawa dalam jo sarawa panjang
Mamasangnyo jan senjang
Beko tasapik jo takalang
Jalan bisa maengkang-engkang
Tek Baya acok berang2
Dek naiaknyo harago barang
Mulai lado sampai bawang
Tamasuak kunyik jo kantang
Kalau taruang nan idak usang
Taruang baru lai tagang
Sato lo naik surang
Pono marokok kini bakurang
Kalau dulu sabana kancang
Mambali sakali sasambang
Kini mambali sabatang-sabatang….
Kapado dunsanak samo gadang
Rajin bado’a jo sumbayang
Capek corona ko tabang
Iduik kito kambali tanang.
Edisi nan kadatang
Tek Baya sanang ?
