SEMANGAT MINANG – Akhir-akhir ini rumah gadang Minangkabau kembali bersemangat dan berbagai portal berita ,media cetak dan elektronik membicarakan sosok Prof. Dr. Saldi Isra, SH.MPA, pakar Hukum Tata Negara Universitas Andalas ( Unand) Padang Sumatera Barat telah dipilih dan akan dilantik selasa depan oleh Presiden Joko Widodo sebagai Hakin Makamah Konstitusi Republik Indonesia.
Masuk Saldi Isra sebagai Hakim Makamah Konstitusi adalah mengantikan Patrialis Akbar , urang awak juga yang saat ini terjerat kasus hukum dan telah diberhentikan oleh Presiden. Hari ini lapau Uwan terlihat ramai dan mereka membicarakanya..
KARI BANDARO : Uwan bisuak ko ka dilantikan pak Saldi Isra sebagai Hakim Makamah Konstitusi Republik Indonesia, iko memberikan suatu harapan, raso picayo diri rang minang bangkik. Kito sadiah tokoh-tokoh urang awak jatuh dek kasus hukum .
UWAN : Ee.. Kari sabalun dilantik wakden alun kapicayo lai.. ! Lai jaleh dek Kari urang ko ba main politik sajo , urang awak ko bantuak lah ka dihabihan , indak buliah mancogok lai doh..!
RAJO MANGKUTO : Ba sampai ba itu Uwan sabuik .. ? Pak Saldi tu ikuek tes dan di usulkan tim seleksi ..!
UWAN : Ba ka indak.. dek Mangkuto..! Sia nan indak tahu elok budinyo di kampuang nangko pak Irman Gusman, pak Gamawan Fauzi dan pak Patrialis Akbar ?! Salamo menjabat acok pulang kampuang, baliau dikenal sederhana dan apo adonyo. Alun tahu lo kaba jo nasib tokoh-tokoh urang awak nan lain, tahu-tahu lah terjebak sajo dalam kasus hukum… ??!
SUTAN SATI : Capek bana Uwan manilai mah..!? alun tantu nan saruman tu masalah nyo lai. Kan ado KPK.. !
UWAN : KPK … ?!.. sia nyo tu Sutan Sati .. ? yo agak balanteh angan se kini karajonyo KPK tu .. ?
SUTAN SATI : Komisi Pemberantasan Korupsi.. Uwan , itu memang tugehnyo
RAJO MANGKUTO : Uwan buekan lah ambo kopi steng jo goreng pisang jantan tu ciek .. ! indak ka iyo doh ciloteh Uwan . ?!
UWAN : Iroih… !.. buekan kopi steng jo goring pisang jantan tu ciek untuak Rajo Mangkuto..
RAJO MANGKUTO : Kari baliak ka carito tadi.. !, jadi ba pandapek Kari dipilihnyo pak Saldi Isra jadi Hakim Makamah Konstitusi dek Presiden Jokowi.. ?
KARI BANDARO : Mangkuto.. Pak Salidi Isra Jadi Hakim MK … iko ibaraik momen mambaliakan pandangan urang nan salamo ko. Masih ado urang awak nan menjadi perhatian nasional. Iko paralu dek kito, untuak memotivasi generasi minang tetap tumbuah.
SUTAN SATI : Mak Kari .. memangnyo generasi minang ko kini ba a.. ? Kan sajak saisuk urang minang ko hebait-hebait , kini sajo nan talengahan..
KARI BANDARO : Iyo Sutan Sati .. ! karano itu urang mudo awak harus baraja kareh cari ilmu satinggi-tingginyo, jikok masih ingin disebut urang hebait..! tapi kini lai lah… Sutan Sati suruah anak kamanakan untuk sikolah tinggi.. ? Sutan Sati urang kini lah hebaik-hebaik sadonyo..!
Mendadak muncul Siroih mambok goring jo kopi
SIROIH : Iko kopi jo gorengnyo Mak Rajo Mangkuto..
RAJO MANGKUTO : Tarimo kasih roih..!
UWAN : Jadi Kari ba dek awak kini..?
KARI BANDARO : yo.. Uwan .. ! samo ba doa se awak, supayo pak Saldi Isra dapek menjalankan amanah tugehnyo dengan baik dan bijaksana. Jauh dari hal-hal buruk menimpa diri dan keluarga beliau. Salamo ko kito kenal pak Saldi urang cerdas, elok dan barasiah, tokoh Hatta Award. Keberhasilan pak Saldi tentu kebanggaan kito basamo urang minang. Semoga NKRI damai, alam santoso, masyarakaik sehat sejahtera..!
UWAN, SUTAN SATI DAN RAJO MANGKUTO : Amin.. Ya Robbal Alamin.. !
Tibo-tibo Malin datang basorak kareh..
MALIN : Uwan, Kari, Sutan Sati Jo Rajo Mangkuto ..! Alah Azan.. tu ha.. ! ka surau wak lai.. !
KARI BANDARO, RAJO MANGKUTO, SUTAN SATI, UWAN : yooo… Malin..! samo wak..
UWAN : Iroih … ambo sholat ka surau yo..
SI ROIH : jadi Uwan.. !
“Sakali aia gadang, sakalian tapian barubah “, itu sebuah filosofi alam yang perlu menjadi sesuatu buah piker bagaimana mana kita mampu bertahan dan bersaing dengan yang lain dalam perkembangan perubahan zaman. Belajar menambah ilmu pengetahuan, membaca “ Takilek ikan dalam aia, lah tantu jantan bantino “, berkerja “ Duduak marauik ranjau, tagak meninjau jarak “.
